ტრანსპორტირების დაწყებამდე ზედნადებში მიუთითებს საქონლის სავარაუდო სარეალიზაციო ფასს, ხოლო რეალიზაციისას მოახდენს სასაქონლო ზედნადებში საქონლის ფასის კორექტირებას.
ქვეზედნადებითა და სალარო აპარატით რეალიზაციების ჯამის განაშთვა მოხდება ბუღალტრულად. ამასთან, თუკი საქონლის რეალიზაცია განხორციელდა მხოლოდ ქვეზედნადებით, მთავარ ზედნადებში „ნაშთი“ ღილაკის გააქტიურებით მოხდება დისტრიბუციის ზედნადების განაშთვა.
შემოსავალში ჩაითვლება ქვეზედნადებების მიხედვით რეალიზაციის თანხა.
შესაძლებელია განხორციელდეს დისტრიბუციის სასაქონლო ზედნადების კორექტირება.
დისტრიბუტორის მიერ შესაძლებელია განხორციელდეს საქონლის გაყიდვა სატრანსპორტო საშუალების ბორტიდან.
მოცემულ შემთხვევაში შესაძლებელია დისტრიბუციის სასაქონლო ზედნადების გამოწერა.
სატრანსპორტო საშუალების რამდენჯერმე ცვლილების შემთხვევაში, შესაძლებელია ზედნადების კორექტირება. ასევე გადამხდელს მოცემულ შემთხვევაში შეუძლია ტრანსპორტირების დაწყებისას აირჩიოს ის ტრანსპორტირების სახე, რითაც ახდენს გადაზიდვას, (მაგ. საავტომობილო) ხოლო ტრანსპორტირების ცვლილებისას გამოწეროს ახალი ზედნადები და მიუთითოს ტრანსპორტირების შესაბამის სახე (მაგ. სარკინიგზო).
მოცემულ შემთხვევაში, როდესაც ხდება საქონლის გადატანა ერთი მისამართიდან მეორე მისამართზე სავალდებულოა შიდა გადაზიდვის ზედნადების გამოწერა.
შიდა გადაზიდვის ზედნადები გამოიწერება იმ შემთხვევაში, როდესაც პირი ახდენს საკუთრებაში არსებული საქონლის ტრანსპორტირებას და არ ხდება საქონლის მიწოდება (რეალიზაცია), ხოლო დისტრიბუციის ზედნადები გულისხმობს საქონლის მიწოდებას გამყიდველის/გამგზავნის თანამშრომლის (დისტრიბუტორის) მიერ. ამდენად, მოცემულ შემთხვევაში პირმა უნდა გამოწეროს შიდა გადაზიდვის ზედნადები.
შიდა გადაზიდვის ზედნადებში საქონლის ფასის მითითება სავალდებულო არ არის.
