კომპილაციის მომსახურება

ხშირ შემთხვევაში ორგანიზაციებს სურთ გარიგების შესრულების შესახებ სათანადო ანგარიშის მიღება და  სჭირდებათ  ფინანსური ინფორმაციის მომზადებასა და წარდგენაში დახმარება. ასეთი შემთხვევებისთვის ჩვენ ვახორციელებთ ფინანსური ანგარიშგების კომპილაციის მომსახურებას დაკავშირებული მომსახურების საერთაშორისო სტანდარტი 4410-ის შესაბამისად.

რადგანაც  კომპილაციური გარიგება არ არის მარწმუნებელი გარიგება, ამგვარი გარიგება ჩვენგან არ მოითხოვს  ხელმძღვანელობის მიერ კომპილაციის მიზნებისთვის მოწოდებული ინფორმაციის სისწორისა და სისრულის დამოწმებას, ან მტკიცებულებების შეკრებას აუდიტორული მოსაზრების გამოსახატავად, ან მიმოხილვის დასკვნის ჩამოსაყალიბებლად ფინანსური ინფორმაციის მომზადებასთან მიმართებით.

შეთანხმებული პროცედურები

ზოგიერთ შემთხვევაში ორგანიზაციებს ესაჭიროებათ აუდიტორული პროცედურების ჩატარება ფინანსური ანგარიშგების რომელიმე კომპონენტზე ან ფინანსური მონაცემების ცალკეულ მუხლებზე, როგორიცაა, მაგალითად, შემოსავლები ან მთლიანი აქტივები.

შეთანხმებული პროცედურების ჩატარებაზე გარიგების მიზანია,  ისეთი აუდიტორული პროცედურების განხორციელება, რომლებზეც აუდიტორი, დაინტერესებული ორგანიზაცია და რომელიმე შესაფერისი მესამე მხარე შევთანხმდებით და წარვადგენთ ანგარიშს აღმოჩენილ ფაქტებზე.

 შეთანხმებული პროცედურების ჩატარების შედეგად წარდგენილი დასკვნა აღმოჩენილ ფაქტებზე არ წარმოადგენს არავითარ რწმუნებას. ანგარიშის მომხმარებლები თვითონ აფასებენ ჩვენ მიერ დასკვნაში წარდგენილ პროცედურებსა და აღმოჩენილ ფაქტებს და შესრულებული სამუშაოდან გამოაქვთ საკუთარი დასკვნები.

შეთანხმებული პროცედურების დასკვნა შეზღუდულია იმ მხარეებთან მიმართებით, რომლებთანაც შეთანხმებული იქნა პროცედურები, რადგან მათ, ვინც არ იციან პროცედურების ჩატარების მიზეზები, შეიძლება არასწორი ინტერპრეტაცია მისცენ შედეგებს.

ფინანსური ანგარიშგების  დანიშნულებაა წარმოადგინოს კომპანიის ფინანსური მდგომარეობა და მაჩვენებლები.

ფინანსური ანგარიშგების აუდიტი  ადასტურებს ფინანსური ანგარიშით წარმოდგენილი შედეგებისა და მონაცემების სისწორესა და სამართლიანობას და ამით უზრუნველყოფს ნდობასა და გამჭირვალობას კომპანიასა და ყველა დაინტერესებულ  მხარეს შორის.

ფინანსური ანარიშგების აუდიტს იყენებენ:

    კომპანიის წილის მფლობელები და აქციონერები, რომლებიც უშუალოდ არ არიან ჩართული მენეჯმენტში;
პოტენციური ინვესტორები, რომელთაც სურთ შეაფასონ განსახორციელებელი ინვესტიციის პოტენციალი;
ბანკები და მომწოდებლები, რომლებიც უყურებენ ფინანსურ შესაძლებლობებსა და გადახდისუნარიანობას;
საზოგადოება და დასაქმებული ადამიანები, რომლებიც აფასებენ კომპანიის სანდოობასა და გამჭირვალობას;
დაინტერესებული ორგანოები, რომლებიც აფასებენ კომპანიის ფინანსურ კეთილსინდისიერებას;
მმართველი პარტნიორები და მფლობელები საფონდო ბირჟებზე კომპანიის წილის გამოტანისთვის.
ჩვენი მაღალკვალიფიციური სპეციალისტები საერთაშორისო გამოცდილებისა და ლოკალური მოთხოვნების ცოდნის გაერთიანებით, ვადგენთ და ვაფასებთ არსებითი უზუსტობის რისკებს, ვგეგმავთ და ვატარებთ ამ რისკებზე რეაგირებისთვის გამიზნულ აუდიტორულ პროცედურებს და ვკრებთ ისეთ აუდიტორულ მტკიცებულებებს, რომლებიც საკმარისი და შესაფერისი იქნება ჩვენი მოსაზრების გამოთქმისთვის აუცილებელი საფუძვლის შესაქმნელად.

ჩვენი აუდიტის მეთოდოლოგია ეფუძნება აუდიტის საერთაშორისო სტანდარტებს, ხოლო აუდიტის პროგრამული უზრუნველყოფა ამარტივებს აუდიტის დაგეგმვას, წარმართვასა და დასრულებას ყველა მოთხოვნის დაცვით.

მოპოვებული აუდიტორული მტკიცებულებების საფუძველზე ჩვენ გამოვხატავთ მოსაზრებას, შეიცავს თუ არა ფინანსური ანგარიშგება მიზანმიმართულად ან შეცდომით გამოწვეულ არსებით უზუსტობას და ვადგენთ აუდიტორის დასკვნას, რომელსაც გამოიყენებს  დამკვეთი თავისი მიზნებისთვის.

ჩვენი ვიყენებთ  ხარისხის კონტროლის საერთაშორისო სტანდარტს მარწმუნებელი და სხვა სახის მომსახურების შესრულებისას და  ვიცავთ დამოუკიდებლობისა და პროფესიონალი ბუღალტრების ეთიკის კოდექსით განსაზღვრულ  ეთიკის ყველა ნორმას.

ფინანსური ანგარიშგებისა და შუალედური ფინანსური ინფორმაციის მიმოხილვა

მიმოხილვის მომსახურება წარმოადგენს შეზღუდული რწმუნების გარიგებას, რომელსაც ვახორციელებთ მიმოხილვის გარიგებების საერთაშორისო სტანდარტების (მისს) მიხედვით, რაც განსხვავდება დასაბუთებული რწმუნებისგან, როგორიცაა, მაგალითად ფინანსური ანგარიშგების აუდიტი.

თავის მხრივ, მიმოხილვის გარიგებები იყოფა ორ ნაწილად:

ფინანსური ანგარიშგების მიმოხილვა (მისს 2400) – ფინანსური ანგარიშგების მიმოხილვის გარიგებისას მთავარი მიზანია აუდიტორის მიერ შეზღუდული რწმუნების მოპოვება იმაზე, შეიცავს თუ არა  ფინანსური ანგარიშგება მთლიანობაში არსებით უზუსტობას და სამართლიანად წარმოადგენს თუ არა ინფორმაციას კომპანიის ფინანსური მდგომარეობის და შედეგების შესახებ.
შუალედური ფინანსური ინფორმაციის მიმოხილვა დამოუკიდებელი აუდიტორის მიერ (მისს 2410) –
მიმოხილვა არ უზრუნველყოფს საფუძველს მოსაზრების გამოთქმისთვის იმის შესახებ ასახავს თუ არა ფინანსური ინფორმაცია უტყუარ და სამართლიან თვალსაზრისს, ან წარდგენილია თუ არა სამართლიანად ყველა არსებითი ასპექტის გათვალისიწინებით, ფინანსური ანგარიშგების სათანადო საფუძვლების შესაბამისად.

ინვესტიციების დადასტურება

ინვესტიციების დადასტურება აუდიტის შემდეგ მარწმუნებელი გარიგებების ყველაზე მოთხოვნადი და ფართოდ გავრცელებული მომსახურებაა, რომელიც აპრობირებულია, როგორც სახელმწიფო დაწესებულებათა, ისე საერთაშორისო თუ კერძო ორგანიზაციების მიზნებისთვის.

ინვესტიციების დადასტურებისას ჩვენი მიზანია საკმარისი და შესაფერისი მტკიცებულებების მოპოვება იმაში დასარწმუნებლად, რომ შესაბამის ინვესტიციებზე ნაკისრი ვალდებულები შესრულებულია ჯეროვნად.  შედეგად წარმოვადგენთ დასკვნას, რომელიც სანდოა გამიზნული მომხმარებლებისთვის სასურველი მიზნის მისაღწევად.

სხვა მარწმუნებელი მომსახურება

მარწმუნებელი პროცედურების ჩატარება მხარეთა შეთანხმებით მოიცავს, შემსრულებლის მიერ დამკვეთისათვის აუდიტის ჩატარებას მარწმუნებელი გარიგების საერთაშორისო სტანდარტი(ISAE) 3000-ის შესაბამისად, რაც გულისხმობს შესრულების ფაქტის შესახებ მოსაზრების გამოთქმასა და შესაბამისი დასკვნის გაცემას.

მარწმუნებელი გარიგების შესრულებისას ჩვენ მოვიპოვებთ მტკიცებულებებს, რომლის საფუძველზეც წარმოვადგენთ დასკვნას. დასკვნის მიზანია პასუხისმგებელი მხარის გარდა სხვა სავარაუდო მომხმარებლების ნდობის დონის ამაღლება განსახილველ საგანზე.

საერთაშორისო კონტროლირებული ოპერაციების შეფასება
ტრანსფერ ფრაისინგი არის იგივე საერთაშორისო კონტროლირებული ოპერაციების შეფასება. კონტროლირებულ ოპერაციებს მიეკუთვნება ფინანსური და კომერციული ოპერაციები, რომელებიც განხორციელებულია საქართველოს საწარმოსა და მის ურთიერთდამოკიდებულ არარეზიდენტ საწარმოს შორის, ან კიდევ საქართველოს საწარმოსა და შეღავათიანი დაბეგვრის მქონე ქვეყნის რეზიდენტს შორის, თუნდაც მათ შორის ურთიერთდამოკიდებულება არ ვლინდებოდეს. საგადასახადო კანონმკდებლობით მოითხოვება, რომ კონტროლირებული ოპერაციები საგადასახადო დაბეგვრის მიზნებისათვის, შეფასებული იყოს საბაზრო პრინციპების დაცვით.

საგადასახადო კონსულტაციები
ჩვენი გუნდი გთავაზობთ ხარისხიან სერვისს ბიზნეს სექტორის ყველა კატეგორიის კომპანიებისათვის, თქვენთვის მნიშვნელოვანი სიახლეებისა და საჭიროებების დროულ იდენტიფიცირებასა და შესაბამის საკონსულტაციო მომსახურებას.  ჩვენი გუნდი პასუხისმგებელი იქნება მუდმივად იყოთ საგადასახადო საკითხებთან დაკავშირებული საკანონმდებლო ცვლილებების საქმის კურსში, მიიღოთ შესაბამისი რჩევები, რათა ყველა ცვლილება, რაც დაკავშირებული იქნება თქვენს ბიზნესთან სწორად იყოს გათვალისწინებული და დროულად მორგებული თქვენს ბიზნეს პროცესებთან. საგადასახადო კანონმდებლობის შესაბამისად გაცემული სწორი რჩევები აუცილებელია იმისათვის, რომ ადრეულ ეტაპზე მოხდეს საგადასახადო რისკების, ასევე გადასახადის ოპტიმიზაციის პოტენციალის იდენტიფიცირება და დაგეგმვის წესით მათი მოგვარება. ამისათვის გჭირდებათ კვალიფიციური საგადასახადო კონსულტანტი და აუდიტორი, რომელსაც ენდობით, რომელსაც ესმის თქვენი და კარგად იცნობს  თქვენი ბიზნესის სპეციფიკას.

ჩვენ მაღალი ხარისხის კონსულტაციას ვთაზობთ არა მხოლოდ საქართველოში მომუშავე კომპანიებს, არამედ უცხოურ კომპანიებსაც, რომლებსაც აქვთ სურვილი განახორციელონ ბიზნეს საქმიანობა საქართველოში. გთავაზობთ ისეთ მომსახურებებს, როგორიცაა გასული პერიოდის საგადასახადო ვალდებულებების აუდიტი, მიმდინარე საგადასახადო დეკლარაციების აუდიტი, ერთჯერადი საგადასახადო კონსულტაციები, საგადასახადო შემოწმებისა და დავის პროცესში მხარდაჭერა, საერთაშორისო დაბეგვრა და სატრანსფერო ფასწარმოქმნა (ტრანსფერფრაისინგი).

ELITE AUDIT გთავაზობთ შემდეგი სახის საგადასახადო კონსულტაციებს:

ერთჯერადი საგადასახადო კონსულტაცია;
საგადასახადო დავების წარმართვა;
მხარდაჭერა საგადასახადო შემოწმების პროცესში;
მხარდაჭერა წინასწარი გადაწყვეტილების მიღების პროცესში.
ლოკალური და გლობალური საგადასახადო კონსულტაცია
ჩვენ მაღალი ხარისხის კონსულტაციას ვთაზობთ არა მხოლოდ საქართველოში მომუშავე კომპანიებს, არამედ უცხოურ კომპანიებსაც, რომლებსაც აქვთ სურვილი განახორციელონ ბიზნეს საქმიანობა საქართველოში. გთავაზობთ ისეთ მომსახურებებს, როგორიცაა გასული პერიოდის საგადასახადო ვალდებულებების აუდიტი, მიმდინარე საგადასახადო დეკლარაციების აუდიტი, ერთჯერადი საგადასახადო კონსულტაციები, საგადასახადო შემოწმებისა და დავის პროცესში მხარდაჭერა, საერთაშორისო დაბეგვრა და სატრანსფერო ფასწარმოქმნა (ტრანსფერფრაისინგი).

ELITE AUDIT გთავაზობთ შემდეგი სახის საგადასახადო კონსულტაციებს:
ერთჯერადი საგადასახადო კონსულტაცია;
საგადასახადო დავების წარმართვა;
მხარდაჭერა საგადასახადო შემოწმების პროცესში;
მხარდაჭერა წინასწარი გადაწყვეტილების მიღების პროცესში.
 ერთჯერადი საგადასახადო კონსულტაცია
გულისხმობს თქვენ მიერ დასმული საკითხის ირგვლივ არსებული საგადასახადო დაბეგვრის თავისებურებების სრულ და დეტალურ გააზრებას. ახალი ბიზნესის დაწყებისთვის ან/და არსებული საქმიანობის წარმართვისათვის, საგადასახადო დაბეგვრის საკითხების  დროულად გაანაზილება სწორი მოლოდინებისა და კანონთან შესაბამისობის საწინდარია, შესაბამისად, ჩვენ გთავაზობთ კონსულტაციას და დეტალურ რჩევებს  დაბეგვრის ყველა იმ საკითხთან დაკავშირებით, რაც უშუალო შემხებლობაშია თქვენს ბიზნესთან, რაც შესაძლებლობას მოგცემთ მიიღოთ სწორი მმართველობითი  გადაწყვეტილება და აღნიშნულის შედეგად აღმოფხვრათ არასწორი გადაწყვეილების მიღებით გამოწვეული საგადასახადო სანქციის დაკისრების შესაძლებლობა. ჩვენ   შევძლებთ ერთად დავგეგმოთ ოპერაციები იმგვარად, რომ მოვახდინოთ გადასახადების და მასთან დაკავშირებული საგადასახდო რისკების ოპტიმიზაცია. Kreston Georgia-ს მაღალკვალიფიციური კონსულტანტები მზად ვართ გაგიწიოთ კონსულტაციები საგადასახადო საკითხებთან დაკავშირებით, კერძოდ:

ჩვენ შევიმუშავებთ ოპტიმალურ საგადასახადო სტრატეგიას დაგეგმილ ოპერაციებთან მიმართებით;
უზრუნველვყოფთ, რომ თქვენი საგადასახადო დაგეგმვა მარტივად გაუმკლავდეს მარეგულირებელი ორგანოების დეტალურ შემოწმებას;
ჩვენ შევძლებთ თქვენს კითხვზე პასუხის გაცემას ონლაინ რეჟიმში, სურვილის შემთხვევაში შეხვედრის ორგანიზებას და პრობლემური საკითხების დეტალურ განხილვას;
თქვენ მიერ წარმოდგენილ შეკითხვაზე საგადასახადო კანონმდებლობასთან შესაბამისი რეკომენდაციის მომზადებას წერილობითი ფორმით.

სახელმწიფო სტრუქტურებთან ურთიერთობა უწევს როგორც ფიზიკურ, ასევე იურიდიულ პირებს. კომპანიებს მათთან ურთიერთობისას ხშირად ექმნებათ პრობლემური საკითხები, რომლის მოსაგვარებლად აუცილებელია კვალიფიციური იურიდიული მომსახურების მიღება, რომელიც მოიცავს:  

კონსულტაციას;  

დოკუმენტების მომზადებასა და კორესპოდენციის წარმოებას;  

სასამართლო წარმომადგენლობას; 

საადვოკატო მომსახურებას.

ნებისმიერი საწარმოს საქმიანობა წარმოუდგენელია თანამშრომლობის გარეშე. ზედმეტი პრობლემის თავიდან ასაცილებლად, კომპანიებს ესაჭიროებათ კვალიფიციური მომსახურება ამ მიმართულებით. ჩვენი სერვისი მოიცავს: 

კონსულტაციას;  

დოკუმენტების მომზადებას;  

სასამართლო წარმომადგნელობას; 

საადვოკატო მომსახურებას. 

იურიდიული კონსულტაციის გაწევის შემდგომ, შესაძლებელია საჭირო გახდეს იურიდიული დოკუმენტების მომზადება, რაც გულისხმობს ისეთი სამართლებრივი დოკუმენტების შედგენას, როგორიცაა განცხადება, სარჩელი, საჩივარი, შესაგებელი, შუამდგომლობა და ა.შ.

იურიდიული დახმარების სამსახური უზრუნველყოფს იურიდიული დოკუმენტაციის მომზადებას  სამოქალაქო და ადმინისტრაციულ საქმეებთან დაკავშირებულ ნებისმიერ საკითხზე.

ელიტ აუდიტის პროფესიონალებისგან დაკომპლექტებული გუნდი შეაფასებს, თუ რამდენად შეესაბამება თქვენი ფინანსები საქართველოს კანონებსა და რეგულაციებს. ჩვენი ფინანსური აუდიტის სერვისი დეტალურად ამოწმებს ყველა ფინანსურ ჩანაწერს, აკვირდება შინაგან კონტროლის მექანიზმებსა და პროცედურებს.

ელიტ აუდიტის სრული მომსახურება ნიშნავს იმას, რომ ჩვენ ფინანსური აუდიტის წარმოების შემდეგ, შეგვიძლია დაგეხმაროთ იმ პრობლემების მოგვარებაში, რომელიც შეიძლება გამოაშკარავდეს აუდიტის დროს.

უძრავი ქონების შესაფასებლად მოგვმართავენ როგორც კომპანიები, ასევე ფიზიკური პირები. მიწის, სამრეწველო ნაგებობების, სასოფლო-სამეურნეო პლანტაციების და კომერციული ან საცხოვრებელი ფართის შეფასებაზე მრავალმხრივი მოთხოვნაა:

• მესაკუთრეს აინტერესებს რა ღირებულების ქონებას ფლობს;
• ინვესტორს აინტერესებს დაბანდების დანიშნულების „რეალური“ ღირებულება;
• შემოსავლების სამსახურს აინტერესებს მეწარმე სუბიექტს უძრავი ქონების რა ღირებულებიდან უნდა დაედეკლარირებინა ქონების გადასახადი;
• სადაზღვევო კომპანიებს აინტერესებთ, რა ღირებულების აქტივების საპირწონედ იღებენ ზიანის ანაზღაურების რისკს;
• კომერციულ ბანკებს აინტერესებთ უზრუნველყოფის სახით რა ღირებულების აქტივებზე უჩნდებათ პერსპექტიული მოთხოვნა.

„ელიტ აუდიტის“ შემფასებელთა გუნდი საშუალოდ სამი სამუშაო დღის ვადაში აფასებს საქართველოს კონტროლირებად ტერიტორიაზე არსებულ ნებისმიერ უძრავ ქონებას.უძრავი ქონების შეფასება - სერვისები

მას შემდეგ, რაც დამკვეთთან საბოლოო შეთანხმება შედგება,  ვიწყებთ ობიექტის ინსპექტირებას, დასურათებას და ინფორმაციის გაანალიზებას. შესაფასებელი ობიექტის მსგავსი ანალოგების მოძიება შემდეგი ნაბიჯია და ამ პროცესში სხვადასხვა ბაზებს ვიყენებთ.

აღნიშნული ინფორმაციის დამუშავების შემდგომ საბოლოო ჯამში დგება ობიექტის ღირებულება. რაც შეეხება იმას, თუ რა ღირს ქონების შეფასება, ეს ინდივიდუალურია და დამკვეთთან ხდება მოლაპარაკება.

მრავალმხრივი შეფასება: ჩვენ გვესმის, რომ სრულყოფილი საშემფასებლო მომსახურება მრავალ მიმართულებას უნდა მოიცავდეს. ზუსტად ამიტომ, ჩვენი სერვისი მრავალმხრივია და იქნება ეს მიწის შეფასება, კომერციული ფართი, თუ საცხოვრებელი სახლი, ჩვენი გუნდი ყველას ემსახურება.

დროული მომსახურება: ხარისხიანი მომსახურების გარდა ჩვენთვის მნიშვნელოვანია დედლაინები. ჩვენ პატივს ვცემთ კლიენტების დროს და უძრავი ქონების შემფასებელი გულმოდგინედ მუშაობს იმისთვის, რომ მიიღოთ სრულფასოვანი ანგარიში საშუალოდ სამი სამუშაო დღის განმავლობაში.

ყოვლისმომცველი დაფარვა: ჩვენი მომსახურება ვრცელდება საქართველოს კონტროლირებად ტერიტორიაზე. არ აქვს მნიშვნელობა სად მდებარეობს თქვენი ქონება: დედაქალაქში, თუ რეგიონში, ჩვენ მოვალთ და შევაფასებთ.

გარანტირებული სიზუსტე: ჩვენი სიზუსტისადმი ერთგულება ურყევია. აუდიტორული ფირმა “ქუდოს ჯორჯია” დეტალურად ეწევა მონაცემთა ანალიზის, იკვლევს ინდუსტრიის სპეციფიკას და ადგილზე ეცნობა ყველა დეტალს, რათა მოგაწოდოთ საბოლოო შედეგი, რომელსაც შეგიძლიათ თავისუფლად დაეყრდნოთ.

როგორ მიმდინარეობს პროცესი

უძრავი ქონების შეფასება საკმაოდ რთული პროცესია, რადგან მრავალი ფაქტორის გათვალისწინება უწევს შემფასებელს. აქტივის გაყიდვისა ან შეძენის შემთხვევაში, ძალიან მნიშვნელოვანია აქტივის ზუსტი საბაზრო ღირებულების ცოდნა რათა ბიზნესმა და ფიზიკურმა პირებმა რისკების მაქსიმალურად შეძლონ რისკების თავიდან არიდება. ასევე შეგახსენებთ, რომ ფინანსური მენეჯმენტი ქუდოსში ერთ-ერთი მთავარი მიმართულებაა და სურვილის შემთხვევაში შეგვიძლია გაგიწიოთ ეს მომსახურება.

გამოცდილი საშემფასებლო კომპანია ზედმიწევნით უნდა იცავდეს კორპორატიულ, მარეგულირებელ თუ საბუღალტრო მოთხოვნებს. გასათვალისწინებელია ისიც, რომ ვინც გაეცნობა საბოლოო დოკუმენტს, მას უნდა ჰქონდეს წარმოდგენა შეფასებული ქონების რეალური ღირებულების შესახებ. ეს ღირებულება კი სხვადასხვა დროს და სხვადასხვა გარემოში შეიძლება, არსებითად განსხვავებული თანხა იყოს.

შემფასებლის პასუხისმგებლობაა, დაადგინოს აქტივის საბაზრო, „სამართლიანი“, ანუ რეალური ღირებულება, რისთვისაც მან უნდა გაითვალისწინოს აქტივის როგორც დღევანდელი გამოყენების პარამეტრები და მომავალში შემოსავლის/მოგების გენერირების პოტენციალი, ასევე ბაზარზე სხვა დაინტერესებული მხარეების მხრიდან აღნიშნული აქტივის მიმართ შესაძლო მონეტარული ინტერესი.

გამოცდილი საშემფასებლო კომპანია ნებისმიერი სახის უძრავი ქონებს უპრობლემოდ უნდა აფასებდეს, შემდეგ გიწევდეთ კონსულტაციას და ყველა კითხვაზე ამომწურავ პასუხს გცემდეთ. შეგიძლიათ დარწმუნებული იყოთ, რომ “ქუდოს ჯორჯია” მოქმედებს მსოფლიოში მიღებული პრაქტიკის კვალდაკვალ და შეფასებული ობიექტის ღირებულება რეალობას ასახავს. ბუღალტრული მომსახურება შეღავათიან ფასად.

“ელიტ აუდიტი” ქონების საერთაშორისო IVS სტანდარტებით ხელმძღვანელობს. ჩვენ გუნდს გააჩნია ქონების ბაზრის სიღრმისეული ცოდნა და შესწევს უნარი განსაზღვროს ქონების საბაზრო ღირებულება.

მიწის შეფასება, ან ზოგადად უძრავი ქონების შეფასება აუცილებელია, სანამ დაიწყებთ გარკვეულ პროცესებს. თუ გსურთ თქვენი უძრავი ქონების გაყიდვა, ან ახლის ყიდვა; გაქირავება, დაგირავება, მისი გაყოფა, ან ბანკში დაკრედიტება, აუცილებელია ყველა წესის დაცვით მოახდინოთ ღირებულების შეფასება.

გარდა ამისა, უძრავი ქონების შეფასება საჭიროა, სანამ დაიწყება რაიმე სახის მშენებლობა, ან რეკონსტრუქციადაადგინეთ თქვენი უძრავი ქონების რეალური ღირებულება ელიტ აუდიტ-თან ერთად. ჩვენი გუნდი მოწოდებულია უზრუნველყოს სანდო, დროული და ყოვლისმომცველი შეფასების სერვისები, რომლებიც გაძლევენ საშუალებას მიიღოთ ინფორმირებული გადაწყვეტილებები.

ძირითად საშუალების აღწერაზე უფრო ხშირად კომპანიებს მარაგების ინვენტარიზაცია სჭირდებათ. რაც უფრო სწრაფი მიმოქცევის საქონლის რეალიზაციითაა დაკავებული კომპანია, მით უფრო ხშირად დგება ხოლმე ეს საკითხი დღის წესრიგში. მარაგები აგრეთვე ის არეალია, სადაც ყველაზე ხშირია დანაკარგები (მ.შ. ქურდობისა და დატაცების გამო).

 ელიტ აუდიტი-ს გუნდი და მოწვეული სპეციალისტები საკმაოდ შემჭიდროვებულ ვადებში ახორციელებენ ნედლეულის, შუალედური და მზა პროდუქციის გადათვლას, აღწერას და გეგმიურ ნაშთებთან შედარებას, რაც დამკვეთ კომპანიებს აძლევთ საშუალებას, უწყვეტ რეჟიმში აკონტროლონ მათ მფლობელობაში არსებული სასაქონლო-მატერიალური ფასეულობები და სწრაფი რეაგირება მოახდინონ კრიტიკულ სიტუაციებში.

 ქართული კომპანიები აგრეთვე მოგვმართავენ მარაგების ყოველთვიური ან ყოველკვარტალური შემოწმებისა და შეფასებისთვის. როგორც წესი, მარაგები ჩვენი დამკვეთების მიმდინარე აქტივების კლასში უდიდესი კომპონენტია და შესაბამისად, მათზე ფასების ცვლილებამ შეიძლება, ბიზნეს გადაწყვეტილებებზე არსებითი ცვლილების განმაპირობებელი გავლენა მოახდინოს.

რაში გვჭირდება ბიზნესის შეფასება? ან რა ღირს კონკრეტული კომპანია? 

როგორც წესი, ბიზნესის მფლობელების, მენეჯერების და პოტენციური ინვესტორების (მყიდველების) წარმოდგენები კომპანიის ღირებულების შესახებ ერთმანეთისგან მკვეთრად განსხვავდება. ფირმის ღირებულება არ არის უბრალოდ მის აქტივებს გამოკლებული ვალდებულებები. საწარმო შეიძლება, გაცილებით მეტი ან ნაკლები ღირდეს, ვიდრე ამგვარად გამოთვლილი და საბალანსო უწყისში დაფიქსირებული კაპიტალია.

„ელიტ აუდიტი“-ს სერტიფიცირებული ბიზნეს შემფასებლები საწარმოს ღირებულებას ადგენენ საერთაშორისო საშემფასებლო სტანდარტების (International Valuation Standards – IVS) შესაბამისად. კონკრეტული გარემოებების გათვალისწინებით შეიძლება, გამოვიყენოთ სამი მეთოდი:

საბაზრო მიდგომა (ყველაზე ხშირად);

შემოსავლების მიდგომა (საკმაოდ ხშირად)

დანახარჯების მიდგომა (იშვითად)

  ჩვენი პასუხისმგებლობაა დავადგინოთ აქტივის საბაზრო ღირებულება კონკრეტულ მომენტში, რომელიც დადგინდება სამართლიანი შეფასებით, რაც ნიშნავს, რომ გავითვალისწინოთ აქტივის დღევანდელი გამოყენების პარამეტრები და მომავალში შემოსავლის მიღების პოტენციალი, ასევე ბაზარზე აღნიშნული აქტივის მიმართ ინტერესი. ინვესტორებისთვის ყველაზე მნიშვნელოვანია იცოდნენ კომპანიის ღირებულება, სწორედ ამიტომ, ნებისმიერი კომპანიის მენეჯმენტს სჭირდება იმის ცოდნა, თუ რა ღირებულების გრძელვადიან აქტივებს ფლობენ. ელიტ აუდიტი ახორციელებს ქონების, ქარხნებისა და აღჭურვილობების შეფასებას.

ნებისმიერი კომპანიის მენეჯმენტს სჭირდება იმის ცოდნა, თუ რა ღირებულების გრძელვადიან აქტივებს ფლობს. ხშირად ბუღალტრულად დარიცხული ცვეთის შედეგად მიღებული ნარჩენი ღირებულება ზუსტად ვერ განსაზღვრავს ძირითადი საშუალებების რეალურ, საბაზრო ღირებულებას. განსხვავება ძირითადი საშუალებების რეალურ და საბალანსო ღირებულებებს შორის შეიძლება, არსებითი იყოს და შესაბამისად, ფირმის ფინანსურ მდგომარეობის აღქმაზე კრიტიკული გავლენა ჰქონდეს.

„ელიტ აუდიტი“ დამკვეთი კომპანიებისთვის ახორციელებს როგორც ქონების, ქარხნისა თუ აღჭურვილობის ცალკეული ერთეულების შეფასებას, ასევე მათ ლოგიკურ გაერთიანებას ფულის მაგენერირებელ კომპლექტებად და შესაბამისად, ავტონომიური ბიზნეს მიკროსისტემის შეფასებას. ჩვენი საშემფასებლო მომსახურების შედეგებმა გავლენა შეიძლება, მოახდინონ როგორც ფინანსურ ანგარიშგებაზე, ასევე ქონების გადასახადის გაანგარიშებასა და თანმდევ საგადასახადო რეპორტინგზე.

 ჩვენმა მომსახურებამ შეიძლება, აგრეთვე მოიცვას ძირითადი საშუალებების აღწერა, აღრიცხვა, ინდივიდუალური კოდების გენერირება, მინიჭება-დასტიკერება და დამკვეთ კომპანიაში გრძელვადიანი ფიზიკური აქტივების მართვის მოქნილი სისტემის დანერგვა.

ბიზნეს გეგმა მნიშვნელოვანი კომპონენტია ნებისმიერი ბიზნესის ეფექტურად ფუნქციონირებისთვის და მართვისთვის, იგი ასევე მოთხოვნადია ფინანსური ინსტიტუტების მიერ, განსაკუთრებით დამწყები ბიზნესებისთვის;

ბიზნესგეგმა არის დოკუმენტი, რომელსაც მეწარმეები ადგენენ ბიზნესის წამოწყების ან მისი გაფართოების დროს. მისი მთავარი ფუნქციაა შეფასდეს ბიზნესის ძლიერი და სუსტი მხარეები და გააცნოს პოტენციურ დამფინანსებლებს ბიზნესის საქმიანობის არეალი. ბიზნესგეგმაში აღწერილი უნდა იყოს მომავალი საქმიანობის ყველა ძირითადი ასპექტი, ნათლად ჩამოყალიბებული მიზნები და ამ მიზნების მიღწევის გზები.  

ბიზნესგეგმა უნდა მოიცავდეს შემდეგ ძირითად საკითხებს:

მოკლე მიმოხილვა - მთავარი იდეა

მოკლე მიმოხილვა არის ბიზნესგეგმის შეჯამება, რომელიც იწერება ბიზნესგეგმის დასრულებისას, მაგრამ წარმოდგენილია ბიზნესგეგმის საწყის გვერდზე. მოკლე მიმოხილვით მკითხველი ეცნობა ბიზნესის ზოგად ტიპს და ძირითად ინფორმაციას მის კონკურენტულ უპირატესობებზე. აქვე წარმოდგენილია შეჯამებული ფინანსური მაჩვენებლები: რა თანხაა საჭირო ბიზნესის დასაწყებად, რამდენია მფლობელებისა და დამფინანსებლების წილი და რა მიზნით დაიხარჯება ეს თანხები.

ამ ნაწილში იწერება, თუ რომელი ბიზნესის ფორმით არის დარეგისტრირებული მეწარმე; ვინ არიან ბიზნესის მფლობელები, მმართველები, რა გამოცდილება და ცოდნა აქვთ მათ; როგორი ორგანიზაციული სტრუქტურა აქვს ბიზნესს; ვინ არიან დასაქმებულები და რა ფორმით მოხდება მათი შრომის ანაზღაურება. აქვე იწერება ბიზნესის მიზნები: რისი მიღწევა სურს ბიზნესს უახლოეს მომავალში ან გრძელვადიან პერიოდში. 

პროდუქტი და მომსახურება

ამ ნაწილში დეტალურად განიმარტება/აღიწერება პროდუქტი ან მომსახურება, მისი მახასიათებლები და კონკურენტებთან შედარებით არსებული უპირატესობები. საჭიროების შემთხვევაში, მიეთითება ინფორმაცია პროდუქტისთვის ან მომსახურებისთვის საჭირო პატენტის, სავაჭრო ნიშნების ან ლიცენზიის შესახებ.

წარმოების გეგმა

წარმოების გეგმა მნიშვნელოვანია, რადგან ის აღწერს ბიზნესის საქმიანობას ნედლეულის შეძენიდან საბოლოო პროდუქციის მიღებამდე. წარმოების გეგმიდან ჩანს, თუ რა მოცულობისაა ბიზნესი, არის თუ არა სეზონური და აქვს თუ არა წარმოების განსაკუთრებული ტექნოლოგია. წარმოების პროცესის აღწერისას გამოიყოფა მასთან დაკავშირებული ხარჯები, რომლებიც ფინანსური გეგმის ნაწილია და მეწარმეს დაეხმარება პროდუქციის თვითღირებულების დათვლაში. აქვე უნდა ჩანდეს, თუ რა ქონებას ან დანადგარებს ფლობს ბიზნესი, ან რა დანადგარები სჭირდება დამატებითი საქმიანობის განსახორციელებლად, ასევე რისი შესყიდვა სურს მეწარმეს საკუთარი სახსრებით და რის შეძენას ფიქრობს დაფინანსებით (სესხით). 

მარკეტინგულ გეგმაში იწერება კონკურენტების ანალიზი, კერძოდ, ვინ არიან ბიზნესის კონკურენტები და როგორი პროდუქტები და ფასები აქვთ მათ. ბიზნესმა ასევე უნდა გააანალიზოს, არის თუ არა მისი საქმიანობა სეზონური და წლის რომელი მონაკვეთია მისთვის აქტიური პერიოდი. მარკეტინგულ გეგმაში იწერება ინფორმაცია ფასდადების, პროდუქციის გაყიდვების არეალის, მომხმარებლებისა და მათი მახასიათებლების, ასევე მარკეტინგული აქტივობების შესახებ (ფლაერები, ბროშურები, პოსტერები/სტიკერები, ბილბორდები და ბანერები, სარეკლამო, სატელევიზიო და სოციალური მედიის რეკლამები და სხვ.).

ფინანსური გეგმა

ფინანსური გეგმა მოიცავს ინფორმაციას კომპანიის დაგეგმილი შემოსავლებისა და ხარჯების შესახებ (იხ. მოგება-ზარალის უწყისი), ასევე დაფინანსების ბიუჯეტის შესახებ: ჯამში, რა ოდენობის თანხაა საჭირო ბიზნესის წამოსაწყებად/განვითარებისთვის; რა ოდენობისაა ბიზნესის საკუთარი ინვესტიცია და რამდენს ითხოვს ის სესხის სახით; რის შეძენას ფიქრობს ბიზნესის მფლობელი არსებული ბიუჯეტით და რა ვადაში მოახდენს თანხის ათვისებას - ეს ყველაზე მნიშვნელოვანი ინფორმაციაა, რომელსაც სესხის გამცემი ორგანიზაცია ბიზნესისგან მოითხოვს.