თანამშრომლის კვება და ტრანსპორტი: როდის არ არის ხელფასი
ავტორი: ირაკლი მანაგაძე
კვება და ტრანსპორტი თანამშრომელზე გაწეული ხარჯების ყველაზე ხშირი „ნაცრისფერი ზონაა“. ზოგი კომპანია ყველაფერს ხელფასად აბეგრავს და ზედმეტს იხდის. ზოგი არაფერს აბეგრავს და შემოწმებისას ორმაგ დარიცხვას იღებს: საშემოსავლოს და დღგ-ს.
კანონი ორივე ხარჯისთვის გამონაკლისს ითვალისწინებს. დავების პრაქტიკა კი აჩვენებს, რომ შედეგს პირობების რეალური დადასტურება წყვეტს.
ზოგადი წესი: სარგებელი ხელფასია
საგადასახადო კოდექსის 101-ე მუხლის პირველი ნაწილით ხელფასად ითვლება დაქირავებით მუშაობის შედეგად მიღებული ნებისმიერი სარგებელი. დამსაქმებელი, 154-ე მუხლის თანახმად, საშემოსავლო გადასახადს წყაროსთან აკავებს.
