როგორ ხდება ქონების გადასახადის დარიცხვა იმ შემთხვევაში, თუ საგადასახადო შემოწმებისას საგადასახადო ორგანოს მიერ განსაზღვრული დასაბეგრი ქონების საბაზრო ფასი აღემატება მის საბალანსო ღირებულებას?
იმ შემთხვევაში, თუ საგადასახადო შემოწმებისას საგადასახადო ორგანოს მიერ განსაზღვრული დასაბეგრი ქონების საბაზრო ფასი აღემატება მის საბალანსო ღირებულებას, პირს დასაბეგრი ქონების ღირებულების სხვაობაზე დაერიცხება ქონების გადასახადის ძირითადი თანხა. ამასთანავე, აღნიშნულ თანხაზე საურავი დაეკისრება მხოლოდ საგადასახადო მოთხოვნის ჩაბარების დღის შემდეგ 30-ე დღიდან, ხოლო აღნიშნული სხვაობა გადასახადის შემცირებად არ ჩაითვლება; პირი ვალდებულია შესაბამისი დასაბეგრი ქონების მიმართ აღნიშნული საბაზრო ფასი გამოიყენოს შემდგომი 3 საგადასახადო წლის განმავლობაში.
