რა წარმოადგენს რეზიდენტი საწარმოს/ორგანიზაციის, ასევე არარეზიდენტი საწარმოს მიწაზე ქონების გადასახადით დაბეგვრის ობიექტს?
რეზიდენტი საწარმოს/ორგანიზაციის, ასევე არარეზიდენტი საწარმოს მიწაზე ქონების გადასახადით დაბეგვრის ობიექტია საგადასახადო წლის 1 აპრილის მდგომარეობით:
მის საკუთრებაში არსებული მიწა;
სახელმწიფო საკუთრებაში არსებული მიწა, რომლითაც სარგებლობს ან რომელსაც ფლობს იგი;
მის მფლობელობაში ან/და სარგებლობაში არსებული, გარდაცვლილი პირის სახელზე რეგისტრირებული მიწის ნაკვეთი, გარდა იმ შემთხვევისა, როდესაც მიწის ნაკვეთით სარგებლობა ხორციელდება იჯარის, ქირის, უზუფრუქტის ან სხვა ამგვარი სახის ხელშეკრულების საფუძველზე.
