დებიტორული დავალიანების ნაშთის დაბეგვრის შესახებ
როდესაც საწარმოს უფიქსირდება დებიტორული დავალიანება, თუმცა მტკიცებულებათა ერთობლიობით დადგენილია, რომ აღნიშნული დავალიანება ანაზღაურებულია კონტრაქტორის მიერ, აღნიშული თანხის კვალიფიკაციისთვის საგადასახადო ორგანო ახსნა-განმარტების საფუძველზე სთავაზობს შემდგომ არჩევანს(ან რომელიმე ქვემოთ ჩამოთვლილს ან მათ კომბინაციას):
თანხა დაკვალიფიცირდება, როგორც საქონლის/მომსახურების მიმღების მიერ დავალიანების ანაზღაურების თარიღიდან/თარიღში გაცემული:
ა) პროცენტიანი ან უპროცენტო სესხი;
ბ) დივიდენდი;
გ) ხელფასი.
განვიხილოთ მაგალითების სახით თითოეული მათგანი:
მაგალითად საწარმოს უფიქსირდება 2022წ 1 თებერვალიდან 100 000ლ დებიტორული დავალიანება, რომელიც რეალურად კონტრაქტორმა საწარმომ აუნაზღაურა 2022წ 1 აპრილს, თუმცა საწარმო კვლავ აღრიცხავს მას როგორც დებიტორული დავალიანება:
1) პროცენტიანი სესხი — გაცემული დირექტორზე (თუ არ არსებობს სხვა იდენტიფიცირებადი პასუხისმგებელი პირი):
ა) დებიტორული დავალიანების ნაშთის პროცენტიან სესხად განხილვის შემთხვევაში, საქართველოს საგადასახადო კოდექსის 982 მუხლის მე-3 ნაწილის «ზ» ქვეპუნქტის შესაბამისად, მოგების გადასახადით დასაბეგრი ბაზა იქნება 117 647 ლარი (100 000/0,85), ხოლო კუთვნილი მოგების გადასახადი — 17 647 ლარი (117 647 * 0,15);
ბ) დებიტორული დავალიანების ნაშთის (100 000 ლარი) უპროცენტო სესხად განხილვის შემთხვევაში, შპს B-ს მიერ შპს A-სთვის 2022 წლის 1 აპრილს ანაზღაურებული თანხა — 100 000 ლარი, ამავე თარიღიდან შესამოწმებელი პერიოდის ბოლომდე, შესამოწმებელი პერიოდის ბოლო თარიღის (31.12.2022 წლის) ჩათვლით განიხილება შპს A-ს მიერ გაცემულ უპროცენტო სესხად. ამასთან:
● საქართველოს საგადასახადო კოდექსის 982 მუხლის მე-3 ნაწილის «ზ» ქვეპუნქტის შესაბამისად, მოგების გადასახადით დასაბეგრი ბაზა იქნება 117 647 ლარი (100 000/0,85), ხოლო კუთვნილი მოგების გადასახადი — 17 647 ლარი (117 647 * 0,15);
● უპროცენტო სესხად განხილვის შედეგად გამოანგარიშებული ჯამური სარგებელი იქნება 15 000 ლარი (100 000* 0,2 * 9/12);
შენიშვნა: 20% განსაზღვრულია «საქართველოს საგადასახადო კოდექსის მიზნებისათვის საპროცენტო განაკვეთების დამტკიცების თაობაზე» საქართველოს ფინანსთა მინისტრის 2011 წლის 28 იანვრის N34 ბრძანების შესაბამისად.
● საშემოსავლო გადასახადით დასაბეგრი ჯამური ბაზა იქნება 18 750 ლარი (15 000 / 0,8), ხოლო კუთვნილი საშემოსავლო გადასახადი — 3 750 ლარი (18 750 * 0,2).
გ) დებიტორული დავალიანების ნაშთის (100 000 ლარი) დივიდენდად განხილვის შემთხვევაში, შპს B-ს მიერ შპს A-სთვის 2022 წლის 1 აპრილს ანაზღაურებული თანხა ჩაითვლება ამავე თარიღში (01.04.2022-ში) გაცემულ დივიდენდად. ამასთან:
● დივიდენდით დასაბეგრი ბაზა იქნება 105 263 ლარი (100 000/0,95), ხოლო დივიდენდზე გადასახდელი თანხა — 5 263 ლარი (105 263 * 0,05);
● მოგების გადასახადით დასაბეგრი ბაზა იქნება 123 839 ლარი (105 263/0,85), ხოლო კუთვნილი მოგების გადასახადი — 18 575 ლარი (123 839 * 0,15).
დ) დებიტორული დავალიანების ნაშთის (100 000 ლარი) ხელფასად განხილვის შემთხვევაში, შპს B-ს მიერ შპს A-სთვის 2022 წლის 1 აპრილს ანაზღაურებული თანხა ჩაითვლება ამავე თარიღში (01.04.2022-ში) გაცემულ ხელფასად. ამასთან, საშემოსავლო გადასახადით დასაბეგრი ბაზა იქნება 125 000 ლარი (100 000/0,8), ხოლო კუთვნილი საშემოსავლო გადასახადი — 25 000 ლარი (125 000 * 0,2).
II – გადასახადის გადამხდელის მიერ შესაბამისი მტკიცებულებების ან/და ახსნა-განმარტების წარუდგენლობის შემთხვევაში, 2022 წლის 1 აპრილს ანაზღაურებული თანხა 100 000 ლარი, ამავე თარიღიდან შესამოწმებელი პერიოდის ბოლომდე, შესამოწმებელი პერიოდის ბოლო თარიღის (31.12.2022-ის) ჩათვლით განიხილება შპს -ს ბუღალტერზე (რამდენადაც დოკუმენტზე ფიქსირდება შპს -ს ბუღალტრის ხელმოწერა) გაცემულ უპროცენტო სესხად. ამასთან:
● საქართველოს საგადასახადო კოდექსის 982 მუხლის მე-3 ნაწილის «ზ» ქვეპუნქტის შესაბამისად, მოგების გადასახადით დასაბეგრი ბაზა იქნება 117 647 ლარი (100 000/0,85), ხოლო კუთვნილი მოგების გადასახადი — 17 647 ლარი (117 647 * 0,15);
● უპროცენტო სესხად განხილვის შედეგად გამოანგარიშებული ჯამური სარგებელი იქნება 15 000 ლარი (100 000* 0,2 * 9/12);
შენიშვნა: 20% განსაზღვრულია «საქართველოს საგადასახადო კოდექსის მიზნებისათვის საპროცენტო განაკვეთების დამტკიცების თაობაზე» საქართველოს ფინანსთა მინისტრის 2011 წლის 28 იანვრის N34 ბრძანების შესაბამისად.
● საშემოსავლო გადასახადით დასაბეგრი ჯამური ბაზა იქნება 18 750 ლარი (15 000 / 0,8), ხოლო კუთვნილი საშემოსავლო გადასახადი — 3 750 ლარი (18 750 * 0,2).
🆘 თუ გსურთ რომ მეტი ინფორმაცია გაიარეთ ავტორიზაცია ან რეგისტრაცია
