პირის მიერ განხორციელებულმა დღგ-ით დასაბეგრმა ოპერაციებმა 12 უწყვეტი თვის განმავლობაში გადააჭარბა 100 000 ლარს; აღნიშნულის მიუხედავად, დღგ-ის გადამხდელად რეგისტრაციის გარეშე გააგრძელა საქმიანობა. რა სახის ჯარიმა დაეკისრება?
დღგ-ის გადამხდელად რეგისტრაციის გარეშე საქმიანობა გამოიწვევს პირის დაჯარიმებას რეგისტრაციის გარეშე საქმიანობის პერიოდში განხორციელებული დღგ-ით დასაბეგრი ოპერაციების თანხის 5%-ის ოდენობით. ამასთანავე, დღგ-ის გადამხდელად რეგისტრაციის გარეშე საქმიანობის საანგარიშო პერიოდზე (პერიოდებზე), დღგ-ის დეკლარაციასთან მიმართებით, ამ კოდექსის 274-ე და 275-ე მუხლებით გათვალისწინებული ჯარიმები არ გამოიყენება.
