როგორ დაიანგარიშება ქონების გადასახადი, როდესაც ერთსა და იმავე დასაბეგრ ქონებას (მიწას) რამდენიმე პირი ფლობს და ამონაწერში არ არის გამიჯნული წილები?
იმ შემთხვევაში, როდესაც ერთსა და იმავე დასაბეგრ ქონებას (მიწას) ფლობს რამდენიმე პირი და ამონაწერში არ არის გამიჯნული წილები, მაშინ თითოეულ პირზე ქონების გადასახადი დაიანგარიშება თანაბარი პროპორციით.
მაგალითად: 20 ჰა სასოფლო-სამეურნეო მიწის მესაკუთრეა 4 პირი (ამონაწერში წილები არ არის გამიჯნული). თითოეულისთვის მიწაზე ქონების გადასახადი დაიანგარიშება 5 ჰექტარზე (25%-ის ოდენობით). ამასთან, თუ პირები არიან ერთი ოჯახის წევრები, შესაძლებელია ერთ-ერთმა შეასრულოს ქონების გადასახადში საგადასახადო ვალდებულება ყველას მაგივრად.
