მცირე ბიზნესის სტატუსის მქონე პირის ოჯახის მიერ საგადასახადო წლის განმავლობაში მიღებულ შემოსავლებში შეიტანება:

• სპეციალური რეჟიმით დაბეგვრას დაქვემდებარებული დასაბეგრი შემოსავლის 25 პროცენტი;
• დასაბეგრი შემოსავალი, რომელიც არ მიეკუთვნება მცირე ბიზნესის სპეციალური რეჟიმით დასაბეგრ შემოსავალს. მაგალითად, ფიზიკურმა პირმა გიორგიმ 2019 წელს ხელფასის (დარიცხული) სახით მიიღო 15 000 ლარი, ხოლო დივიდენდის სახით - 5 000 ლარი. გიორგის ყავს მეუღლე, რომელსაც მინიჭებული აქვს მცირე ბიზნესის სტატუსი და აღნიშნული საქმიანობიდან მიღებული შემოსავალი შეადგენს 96 000 ლარს. 96 000-ის 25% არის 24 000 ლარი.

გიორგის ოჯახის 2019 წლის შემოსავალი შეადგენს: 15 000 + 5 000 + 24 000 = 42 000 (ლარი), ამიტომ ვალდებულია წარადგინოს ფიზიკური პირის ქონების გადასახადის 2020 წლის წლიური დეკლარაცია, არაუგვიანეს 2020 წლის 1 ნოემბრისა.ა