1. არაპირდაპირი მეთოდით განსაზღვრული ფასნამატის ოდენობა;

3. სხვადასხვა მომსახურებების შეძენაზე გადახდილი თანხების ეკონომიკურ საქმიანობასთან დაუკავშირებელ ხარჯად განხილვა.

 

1.შემოსავლების სამსახურის გადასახადების ადმინისტრირების საინფორმაციო სისტემაში არსებული მონაცემების შესწავლით დადგინდა, რომ საწარმოს შესამოწმებელ პერიოდში შეძენილი და რეალიზებული ჰქონდა სიგარეტი. დოკუმენტური რეალიზაციიდან იდენტიფიცირებულ იქნა 4%-იანი ფასნამატი სიგარეტზე და აღნიშნული სიგარეტი რეალიზებულ იქნა ამ ფასნამატით. იგივე პრინციპი იქნა გამოყენებული შეძენილი ალკოჰოლური სასმელების და ცემენტის მიმართ, რომლებიც რეალიზებულად ჩაითვალა დოკუმენტური ფასნამატით. შედეგად გაიზარდა დეკლარირებული დღგ-ით დასაბეგრი ბრუნვა.

მომჩივანს უფიქსირდება ერთი საგადასახადო ანგარიშ-ფაქტურა, რომელიც არ იყო დაბეგრილი შესაბამის პერიოდში. ამასთან, გადასახადის გადამხდელის მიერ წარმოდგენილი საბანკო ანგარიშის ამონაწერიდან დადგინდა თანხის შემოსვლა, რომელზეც არ იყო შესაბამისი დოკუმენტი გამოწერილი.

ზემოაღნიშნულიდან გამომდინარე, მომჩივანს დაერიცხა დღგ და დაეკისრა ჯარიმა.

3.შესამოწმებელ პერიოდში საწარმოს უფიქსირდება სარესტორნო, სასტუმრო, სარეკლამო და გრაფიკული დიზაინის მომსახურებების შეძენა, რაც ვერ დაკავშირდა პირის მიერ მიღებულ/დეკლარირებულ შემოსავლებთან. აღნიშნული დაიბეგრა მოგების გადასახადით. ასევე, პირს შეუმცირდა აღნიშნულ მომსახურებებზე ჩათვლილი დღგ-ის თანხები. შედეგად, გადასახადის გადამხდელს დაერიცხა დღგ, მოგების გადასახადი და დაეკისრა ჯარიმა.

 

შემოსავლების სამსახურის გასაჩივრებული გადაწყვეტილების შინაარსის გათვალისწინებით, საბჭო მიიჩნევს, რომ არ არსებობს აღნიშნული გადაწყვეტილებისგან განსხვავებული გადაწყვეტილების მიღების და საჩივრის დაკმაყოფილების საფუძველი.