გადასახადის გადამხდელი არ ეთანხმება ;

1. შემოწმებით გაანგარიშებული სალაროს ნაღდი ფულის ნაშთის დირექტორზე გაცემულ ხელფასად განხილვას.

3. არარეზიდენტი პირების მიერ გაწეულ სატრანსპორტო მომსახურებაზე გადახდილი თანხების გადახდის წყაროსთან საშემოსავლო გადასახადით დაბეგვრას და წარმოდგენილ საჩივარში აცხადებს, რომ შესაბამის მტკიცებულებებს წარმოადგენს საჩივრის განხილვის დროს.

 

საგადასახადო შემოწმების აქტის მიხედვით, საჩივარში დასმულ სადავო საკითხებთან დაკავშირებით განხორციელებული დარიცხვა განპირობებულია შემდეგი გარემოებებით:

1. საგადასახადო შემოწმების აქტის თანახმად, შემოწმებით გაანალიზებულია გადასახადის გადამხდელის ფულადი ნაკადების მოძრაობა შემოწმების ხელთ არსებული ინფორმაციის გამოყენებით,გადასახადების ადმინისტირების საინფორმაციო სისტემის მონაცემებითა და გადასახადის გადამხდელის მიერ დეკლარაციების კონტროლის სამმართველოსათვის მიწოდებული საბანკო ამონაწერით , ასევე, ახსნა-განმარტებით, რომელშიც აფიქსირებს, რომ გადასახადის გადამხდელს არ გააჩნია, სალაროს ნაშთი და ვალდებულებები მომწოდებლების მიმართ, ხოლო მისაღები დებიტორული დავალიანება შეადგენს 13 708.30 ლარს. შემოსავლებისა და ხარჯების შეპირისპირებით, გადასახადების ადმინისტირების საინფორმაციო სისტემის მონაცემებითა და გადამხდელის მიერ წარმოდგენილი მასალების მიხედვით, ფიქსირდება ნაღდი ფულის ნაშთი . საწარმოს შეძენები და რეალიზაცია არ უფიქსირდება, ხელფასი გაცემული არ აქვს. შესაბამისად, შემოწმებამ აღნიშნული ფულადი ნაშთი ჩათვალა ანგარიშვალდებულ პირზე (დირექტორზე) გაცემულ ხელფასის სახით განაცემად და საქართველოს საგადასახადო კოდექსის 154-ე და 101-ე მუხლების საფუძველზე, აღნიშნული განაცემი დაექვემდებარა გადახდის წყაროსთან საშემოსავლო გადასახადით დაბეგვრას. გადასახადის გადამხდელს დაერიცხა საშემოსავლო გადასახადი და განესაზღვრა ჯარიმა საქართველოს საგადასახადო კოდექსის 275-ე მუხლის შესაბამისად.

3. შემოსავლების სამსახურის გადასახადების ადმინისტირების საინფორმაციო სისტემის მონაცემების ანალიზის შედეგად დგინდება, რომ შესამოწმებელ საანგარიშო პერიოდებში გადასახადის გადამხდელს სატრანსპორტო მომსახურებას უწევენ არარეზიდენტი პირები. გადასახადის გადამხდელს არარეზიდენტის მომსახურებებზე გადახდილი თანხები არ ჰქონდა გადახდის წყაროსთან საშემოსავლო გადასახადით დაბეგრილი. საქართველოს საგადასახადო კოდექსის 134-ე მუხლის გათვალისწინებით პირს დაერიცხა საშემოსავლო გადასახადი და განესაზღვრა ჯარიმა საქართველოს საგადასახადო კოდექსის 275-ე მუხლის შესაბამისად.

სამართლებრივი ნორმებისა და საქმეში არსებული ფაქტობრივი გარემოებების გათვალისწინებით, შემოსავლების სამსახური მიიჩნევს, რომ შემოწმებით საგადასახადო ვალდებულებების განსაზღვრა შესაბამისობაშია კანონმდებლობის მოთხოვნებთან, გადასახადის გადამხდელის საჩივარი დაუსაბუთებელია და არ არსებობს მისი დაკმაყოფილების სამართლებრივი საფუძვლები.

 

შემოსავლების მამსახურის დავების განხილვის საბჭო გადაწყვეტილების დასაბუთებისას ეყრდნობა საქართველოს საგადასახადო კოდექსის შემდეგ ნორმებს: 73(4. 9 ,,ბ“); 101(1.3 „ვ“); 134(1 „გ“.2„ა“.3 „ა“); 154(1 „ა“); 160(3 „გ“);161(1 „ა“ „ა.ბ.დ“ 2„გ“); 164(2 ,,ა“);