„ელიტ აუდიტი“ დამკვეთი კომპანიებისთვის ახორციელებს როგორც ქონების, ქარხნისა თუ აღჭურვილობის ცალკეული ერთეულების შეფასებას, ასევე მათ ლოგიკურ გაერთიანებას ფულის მაგენერირებელ კომპლექტებად და შესაბამისად, ავტონომიური ბიზნეს მიკროსისტემის შეფასებას. ჩვენი საშემფასებლო მომსახურების შედეგებმა გავლენა შეიძლება, მოახდინონ როგორც ფინანსურ ანგარიშგებაზე, ასევე ქონების გადასახადის გაანგარიშებასა და თანმდევ საგადასახადო რეპორტინგზე.

ჩვენმა მომსახურებამ შეიძლება, აგრეთვე მოიცვას ძირითადი საშუალებების აღწერა, აღრიცხვა, ინდივიდუალური კოდების გენერირება, მინიჭება და სტიკერით მონიშვნა და დამკვეთ კომპანიაში გრძელვადიანი ფიზიკური აქტივების მართვის მოქნილი სისტემის დანერგვა.

ბიზნესგეგმა არის დოკუმენტი, რომელსაც მეწარმეები ადგენენ ბიზნესის წამოწყების ან მისი გაფართოების დროს. მისი მთავარი ფუნქციაა შეფასდეს ბიზნესის ძლიერი და სუსტი მხარეები და გააცნოს პოტენციურ დამფინანსებლებს ბიზნესის საქმიანობის არეალი. ბიზნესგეგმაში აღწერილი უნდა იყოს მომავალი საქმიანობის ყველა ძირითადი ასპექტი, ნათლად ჩამოყალიბებული მიზნები და ამ მიზნების მიღწევის გზები.

ბიზნესგეგმა უნდა მოიცავდეს შემდეგ ძირითად საკითხებს:

მოკლე მიმოხილვა - მთავარი იდეა

მოკლე მიმოხილვა არის ბიზნესგეგმის შეჯამება, რომელიც იწერება ბიზნესგეგმის დასრულებისას, მაგრამ წარმოდგენილია ბიზნესგეგმის საწყის გვერდზე. მოკლე მიმოხილვით მკითხველი ეცნობა ბიზნესის ზოგად ტიპს და ძირითად ინფორმაციას მის კონკურენტულ უპირატესობებზე. აქვე წარმოდგენილია შეჯამებული ფინანსური მაჩვენებლები: რა თანხაა საჭირო ბიზნესის დასაწყებად, რამდენია მფლობელებისა და დამფინანსებლების წილი და რა მიზნით დაიხარჯება ეს თანხები.

მართვა და ორგანიზება

ამ ნაწილში იწერება, თუ რომელი ბიზნესის ფორმით არის დარეგისტრირებული მეწარმე; ვინ არიან ბიზნესის მფლობელები, მმართველები, რა გამოცდილება და ცოდნა აქვთ მათ; როგორი ორგანიზაციული სტრუქტურა აქვს ბიზნესს; ვინ არიან დასაქმებულები და რა ფორმით მოხდება მათი შრომის ანაზღაურება. აქვე იწერება ბიზნესის მიზნები: რისი მიღწევა სურს ბიზნესს უახლოეს მომავალში ან გრძელვადიან პერიოდში.

პროდუქტი და მომსახურება

ამ ნაწილში დეტალურად განიმარტება/აღიწერება პროდუქტი ან მომსახურება, მისი მახასიათებლები და კონკურენტებთან შედარებით არსებული უპირატესობები. საჭიროების შემთხვევაში, მიეთითება ინფორმაცია პროდუქტისთვის ან მომსახურებისთვის საჭირო პატენტის, სავაჭრო ნიშნების ან ლიცენზიის შესახებ.

წარმოების გეგმა

წარმოების გეგმა მნიშვნელოვანია, რადგან ის აღწერს ბიზნესის საქმიანობას ნედლეულის შეძენიდან საბოლოო პროდუქციის მიღებამდე. წარმოების გეგმიდან ჩანს, თუ რა მოცულობისაა ბიზნესი, არის თუ არა სეზონური და აქვს თუ არა წარმოების განსაკუთრებული ტექნოლოგია. წარმოების პროცესის აღწერისას გამოიყოფა მასთან დაკავშირებული ხარჯები, რომლებიც ფინანსური გეგმის ნაწილია და მეწარმეს დაეხმარება პროდუქციის თვითღირებულების დათვლაში. აქვე უნდა ჩანდეს, თუ რა ქონებას ან დანადგარებს ფლობს ბიზნესი, ან რა დანადგარები სჭირდება დამატებითი საქმიანობის განსახორციელებლად, ასევე რისი შესყიდვა სურს მეწარმეს საკუთარი სახსრებით და რის შეძენას ფიქრობს დაფინანსებით (სესხით).

მარკეტინგული გეგმა

მარკეტინგულ გეგმაში იწერება კონკურენტების ანალიზი, კერძოდ, ვინ არიან ბიზნესის კონკურენტები და როგორი პროდუქტები და ფასები აქვთ მათ. ბიზნესმა ასევე უნდა გააანალიზოს, არის თუ არა მისი საქმიანობა სეზონური და წლის რომელი მონაკვეთია მისთვის აქტიური პერიოდი. მარკეტინგულ გეგმაში იწერება ინფორმაცია ფასდადების, პროდუქციის გაყიდვების არეალის, მომხმარებლებისა და მათი მახასიათებლების, ასევე მარკეტინგული აქტივობების შესახებ (ფლაერები, ბროშურები, პოსტერები/სტიკერები, ბილბორდები და ბანერები, სარეკლამო, სატელევიზიო და სოციალური მედიის რეკლამები და სხვ.).

ფინანსური გეგმა

ფინანსური გეგმა მოიცავს ინფორმაციას კომპანიის დაგეგმილი შემოსავლებისა და ხარჯების შესახებ (იხ. მოგება-ზარალის უწყისი), ასევე დაფინანსების ბიუჯეტის შესახებ: ჯამში, რა ოდენობის თანხაა საჭირო ბიზნესის წამოსაწყებად/განვითარებისთვის; რა ოდენობისაა ბიზნესის საკუთარი ინვესტიცია და რამდენს ითხოვს ის სესხის სახით; რის შეძენას ფიქრობს ბიზნესის მფლობელი არსებული ბიუჯეტით და რა ვადაში მოახდენს თანხის ათვისებას - ეს ყველაზე მნიშვნელოვანი ინფორმაციაა, რომელსაც სესხის გამცემი ორგანიზაცია ბიზნესისგან მოითხოვს.

საბუღალტრო პროგრამების სწორი დანერგვა მნიშვნელოვნად ზრდის საბუღალტრო აღრიცხვის ხარისხს და თანამშრომელთა მუშაობის ეფექტურობას. პროცესი მოიცავს შემდეგ ეტაპებს: საბუღალტრო პროგრამაში მოხერხებული და ეფექტური ანგარიშთა გეგმის სტრუქტურის შექმნას; აღრიცხვის თანამშრომელთა ტრენინგს საბუღალტრო პროგრამაში; ყველა მომხმარებლისთვის ინდივიდუალურად ტიპიური ოპერაციების აწყობას; თანამშრომელთა უფლება-მოვალეობების, პროგრამაში მათი სამუშაო საათების, ბრძანებების, ანგარიშების განსაზღვრას.

საბუღალტრო აღრიცხვის სტრუქტურის შექმნა მოიცავს რამდენიმე ეტაპს, მათ შორის: საბუღალტრო აღრიცხვის პოლიტიკის შემუშავება; სამეურნეო ოპერაციების ხასიათის გათვალისწინებით საბუღალტრო აღრიცხვის ანგარიშთა გეგმის შემუშავება; სამეურნეო ოპერაციების ეფექტური და სწრაფი აღრიცხვისთვის მოხერხებული სტრუქტურის შექმნა, მისი ავტომატიზაცია საბუღალტრო პროგრამაში და საფინანსო-საბუღალტრო სამსახურის თანამშრომლებისათვის ფუნქცია-მოვალეობების განაწილება.

თუ თქვენ გაქვთ ეჭვი, რომ ორგანიზაციაში საბუღალტრო აღრიცხვის დონე დაბალია, ან არასრულფასოვანია, მაშინ საჭიროა ამის დადგენა და გამოსწორება.

ელიტ აუდიტი გთავაზობთ პირველადი დოკუმენტების საფუძველზე აღდგენილ განვლილი პერიოდის საბუღალტრო აღრიცხვის რეესტრების წესრიგში მოსაყვან სერვისს.

ჩვენი მომსახურების შემდეგ თქვენ დარწმუნებით გეცოდინებათ, რომ ყველა პოტენციური პრობლემა მოგვარებულია და მომზადებულია იდეალური საბუღალტრო ბაზა კომპანიისათვის.

• მესაკუთრეს აინტერესებს რა ღირებულების ქონებას ფლობს;
• ინვესტორს აინტერესებს დაბანდების დანიშნულების „რეალური“ ღირებულება;
• შემოსავლების სამსახურს აინტერესებს მეწარმე სუბიექტს უძრავი ქონების რა ღირებულებიდან უნდა დაედეკლარირებინა ქონების გადასახადი;
• სადაზღვევო კომპანიებს აინტერესებთ, რა ღირებულების აქტივების საპირწონედ იღებენ ზიანის ანაზღაურების რისკს;
• კომერციულ ბანკებს აინტერესებთ უზრუნველყოფის სახით რა ღირებულების აქტივებზე უჩნდებათ პერსპექტიული მოთხოვნა.

„ელიტ აუდიტის“ შემფასებელთა გუნდი საშუალოდ სამი სამუშაო დღის ვადაში აფასებს საქართველოს კონტროლირებად ტერიტორიაზე არსებულ ნებისმიერ უძრავ ქონებას.უძრავი ქონების შეფასება - სერვისები

მას შემდეგ, რაც დამკვეთთან საბოლოო შეთანხმება შედგება, ვიწყებთ ობიექტის ინსპექტირებას, დასურათებას და ინფორმაციის გაანალიზებას. შესაფასებელი ობიექტის მსგავსი ანალოგების მოძიება შემდეგი ნაბიჯია და ამ პროცესში სხვადასხვა ბაზებს ვიყენებთ.

აღნიშნული ინფორმაციის დამუშავების შემდგომ საბოლოო ჯამში დგება ობიექტის ღირებულება. რაც შეეხება იმას, თუ რა ღირს ქონების შეფასება, ეს ინდივიდუალურია და დამკვეთთან ხდება მოლაპარაკება.

მრავალმხრივი შეფასება: ჩვენ გვესმის, რომ სრულყოფილი საშემფასებლო მომსახურება მრავალ მიმართულებას უნდა მოიცავდეს. ზუსტად ამიტომ, ჩვენი სერვისი მრავალმხრივია და იქნება ეს მიწის შეფასება, კომერციული ფართი, თუ საცხოვრებელი სახლი, ჩვენი გუნდი ყველას ემსახურება.

დროული მომსახურება: ხარისხიანი მომსახურების გარდა ჩვენთვის მნიშვნელოვანია დედლაინები. ჩვენ პატივს ვცემთ კლიენტების დროს და უძრავი ქონების შემფასებელი გულმოდგინედ მუშაობს იმისთვის, რომ მიიღოთ სრულფასოვანი ანგარიში საშუალოდ სამი სამუშაო დღის განმავლობაში.

ყოვლისმომცველი დაფარვა: ჩვენი მომსახურება ვრცელდება საქართველოს კონტროლირებად ტერიტორიაზე. არ აქვს მნიშვნელობა სად მდებარეობს თქვენი ქონება: დედაქალაქში, თუ რეგიონში, ჩვენ მოვალთ და შევაფასებთ.

გარანტირებული სიზუსტე: ჩვენი სიზუსტისადმი ერთგულება ურყევია. აუდიტორული ფირმა „ელიტ აუდიტი“ დეტალურად ეწევა მონაცემთა ანალიზის, იკვლევს ინდუსტრიის სპეციფიკას და ადგილზე ეცნობა ყველა დეტალს, რათა მოგაწოდოთ საბოლოო შედეგი, რომელსაც შეგიძლიათ თავისუფლად დაეყრდნოთ.

როგორ მიმდინარეობს პროცესი

უძრავი ქონების შეფასება საკმაოდ რთული პროცესია, რადგან მრავალი ფაქტორის გათვალისწინება უწევს შემფასებელს. აქტივის გაყიდვისა ან შეძენის შემთხვევაში, ძალიან მნიშვნელოვანია აქტივის ზუსტი საბაზრო ღირებულების ცოდნა რათა ბიზნესმა და ფიზიკურმა პირებმა მაქსიმალურად შეძლონ რისკების თავიდან არიდება. ასევე შეგახსენებთ, რომ ფინანსური მენეჯმენტი ელიტ აუდიტში ერთ-ერთი მთავარი მიმართულებაა და სურვილის შემთხვევაში შეგვიძლია გაგიწიოთ ეს მომსახურება.

გამოცდილი საშემფასებლო კომპანია ზედმიწევნით უნდა იცავდეს კორპორატიულ, მარეგულირებელ თუ საბუღალტრო მოთხოვნებს. გასათვალისწინებელია ისიც, რომ ვინც გაეცნობა საბოლოო დოკუმენტს, მას უნდა ჰქონდეს წარმოდგენა შეფასებული ქონების რეალური ღირებულების შესახებ. ეს ღირებულება კი სხვადასხვა დროს და სხვადასხვა გარემოში შეიძლება, არსებითად განსხვავებული თანხა იყოს.

შემფასებლის პასუხისმგებლობაა, დაადგინოს აქტივის საბაზრო, „სამართლიანი“, ანუ რეალური ღირებულება, რისთვისაც მან უნდა გაითვალისწინოს აქტივის როგორც დღევანდელი გამოყენების პარამეტრები და მომავალში შემოსავლის/მოგების გენერირების პოტენციალი, ასევე ბაზარზე სხვა დაინტერესებული მხარეების მხრიდან აღნიშნული აქტივის მიმართ შესაძლო მონეტარული ინტერესი.

გამოცდილი საშემფასებლო კომპანია ნებისმიერი სახის უძრავ ქონებას უპრობლემოდ უნდა აფასებდეს, შემდეგ გიწევდეთ კონსულტაციას და ყველა კითხვაზე ამომწურავ პასუხს გცემდეთ. შეგიძლიათ დარწმუნებული იყოთ, რომ „ელიტ აუდიტი“ მოქმედებს მსოფლიოში მიღებული პრაქტიკის კვალდაკვალ და შეფასებული ობიექტის ღირებულება რეალობას ასახავს.

“ელიტ აუდიტი” ქონების საერთაშორისო IVS სტანდარტებით ხელმძღვანელობს. ჩვენ გუნდს გააჩნია ქონების ბაზრის სიღრმისეული ცოდნა და შესწევს უნარი განსაზღვროს ქონების საბაზრო ღირებულება.

მიწის შეფასება, ან ზოგადად უძრავი ქონების შეფასება აუცილებელია, სანამ დაიწყებთ გარკვეულ პროცესებს. თუ გსურთ თქვენი უძრავი ქონების გაყიდვა, ან ახლის ყიდვა; გაქირავება, დაგირავება, მისი გაყოფა, ან ბანკში დაკრედიტება, აუცილებელია ყველა წესის დაცვით მოახდინოთ ღირებულების შეფასება.

გარდა ამისა, უძრავი ქონების შეფასება საჭიროა, სანამ დაიწყება რაიმე სახის მშენებლობა, ან რეკონსტრუქცია. დაადგინეთ თქვენი უძრავი ქონების რეალური ღირებულება ელიტ აუდიტ-თან ერთად. ჩვენი გუნდი მოწოდებულია უზრუნველყოს სანდო, დროული და ყოვლისმომცველი შეფასების სერვისები, რომლებიც გაძლევენ საშუალებას მიიღოთ ინფორმირებული გადაწყვეტილებები.

ელიტ აუდიტი-ს გუნდი და მოწვეული სპეციალისტები საკმაოდ შემჭიდროებულ ვადებში ახორციელებენ ნედლეულის, შუალედური და მზა პროდუქციის გადათვლას, აღწერას და გეგმიურ ნაშთებთან შედარებას, რაც დამკვეთ კომპანიებს აძლევთ საშუალებას, უწყვეტ რეჟიმში აკონტროლონ მათ მფლობელობაში არსებული სასაქონლო-მატერიალური ფასეულობები და სწრაფი რეაგირება მოახდინონ კრიტიკულ სიტუაციებში.

ქართული კომპანიები აგრეთვე მოგვმართავენ მარაგების ყოველთვიური ან ყოველკვარტალური შემოწმებისა და შეფასებისთვის. როგორც წესი, მარაგები ჩვენი დამკვეთების მიმდინარე აქტივების კლასში უდიდესი კომპონენტია და შესაბამისად, მათზე ფასების ცვლილებამ შეიძლება, ბიზნეს გადაწყვეტილებებზე არსებითი ცვლილების განმაპირობებელი გავლენა მოახდინოს.

როგორც წესი, ბიზნესის მფლობელების, მენეჯერების და პოტენციური ინვესტორების (მყიდველების) წარმოდგენები კომპანიის ღირებულების შესახებ ერთმანეთისგან მკვეთრად განსხვავდება. ფირმის ღირებულება არ არის უბრალოდ მის აქტივებს გამოკლებული ვალდებულებები. საწარმო შეიძლება, გაცილებით მეტი ან ნაკლები ღირდეს, ვიდრე ამგვარად გამოთვლილი და საბალანსო უწყისში დაფიქსირებული კაპიტალია.

„ელიტ აუდიტი“-ს სერტიფიცირებული ბიზნეს შემფასებლები საწარმოს ღირებულებას ადგენენ საერთაშორისო საშემფასებლო სტანდარტების (International Valuation Standards – IVS) შესაბამისად. კონკრეტული გარემოებების გათვალისწინებით შეიძლება, გამოვიყენოთ სამი მეთოდი:

საბაზრო მიდგომა (ყველაზე ხშირად);

შემოსავლების მიდგომა (საკმაოდ ხშირად)

დანახარჯების მიდგომა (იშვიათად)

ჩვენი პასუხისმგებლობაა დავადგინოთ აქტივის საბაზრო ღირებულება კონკრეტულ მომენტში, რომელიც დადგინდება სამართლიანი შეფასებით, რაც ნიშნავს, რომ გავითვალისწინოთ აქტივის დღევანდელი გამოყენების პარამეტრები და მომავალში შემოსავლის მიღების პოტენციალი, ასევე ბაზარზე აღნიშნული აქტივის მიმართ ინტერესი. ინვესტორებისთვის ყველაზე მნიშვნელოვანია იცოდნენ კომპანიის ღირებულება, სწორედ ამიტომ, ნებისმიერი კომპანიის მენეჯმენტს სჭირდება იმის ცოდნა, თუ რა ღირებულების გრძელვადიან აქტივებს ფლობენ. ელიტ აუდიტი ახორციელებს ქონების, ქარხნებისა და აღჭურვილობების შეფასებას.

იურიდიული დახმარების სამსახური უზრუნველყოფს იურიდიული დოკუმენტაციის მომზადებას სამოქალაქო და ადმინისტრაციულ საქმეებთან დაკავშირებულ ნებისმიერ საკითხზე.

კონსულტაციას;

დოკუმენტების მომზადებასა და კორესპონდენციის წარმოებას;

სასამართლო წარმომადგენლობას;

საადვოკატო მომსახურებას.