AML/CFT ეფექტური ზედამხედველობის უზრუნველსაყოფად დაიწყო პროფესიული მომსახურების გამწევი ბუღალტრებისა და საბუღალტრო ფირმების სავალდებულო რეგისტრაცია, შეიქმნა შესაბამისი რეესტრებიც.

ცვლილების მიხედვით ფიზიკური ან იურიდიული პირი, რომელიც პროფესიული მომსახურების ფარგლებში იწყებს ბუღალტრული აღრიცხვის წარმოებას ან/და ფინანსური ანგარიშგების მომზადებას, ვალდებულია საქმიანობის დაწყებიდან 1 თვის ვადაში დარეგისტრირდეს შესაბამის რეესტრში, ამასთანავე ის სუბიექტები, რომელნიც ამ კანონის ამოქმედებამდე ახორციელებდნენ საბუღალტრო საქმიანობას, ვალდებულნი არიან რეესტრში დარეგისტრირდნენ 2023წ 1 ივლისამდე, ხოლო რეესტრში რეგისტრირებული ბუღალტერი/საბუღალტრო ფირმა დაექვემდებარებიან სავალდებულო განგრძობით განათლებას ყოველწლიურად.

რეგისტრაციის გასამარტივებლად, სამსახურმა ვიდეოინსტრუქციები მოამზადა:

პროფესიული მომსახურების გამწევი ბუღალტრების რეგისტრაციის ვიდეოინსტრუქცია;

საბუღალტრო ფირმების რეგისტრაციის ვიდეოინსტრუქცია.

კერძოდ ბრძანების მიხედვით:

- 2023 წლის 1 აგვისტოდან მოგების ყოველთვიური დეკლარაციის შესაბამის უჯრებში ასახოს ივლისის თვის მდგომარეობით და შემდგომი საანგარიშო პერიოდების მიხედვით გაცემული/მიღებული სესხი/სესხები და საკუთარ ან/და სხვა საწარმოში განთავსებული კაპიტალის შესახებ ინფორმაცია.

- 2024 წლის 1 აპრილამდე საშემოსავლო გადასახადის წლიური დეკლარაციის შესაბამის უჯრებში ასახოს 2023 წლის მდგომარეობით და შემდგომი საანგარიშო პერიოდების მიხედვით მიღებული/გაცემული სესხი/სესხები.

განხორციელებული ცვლილების მიხედვით სესხების შესახებ გადასხადის გადამხდელებმა უნდა წარადგინონ შემდეგი სახის ინფორმაცია:

გაცემული სესხ(ებ)ის შემთხვევაში: (ლინკზე დაჭერით იხილეთ მაგალითი)

• საანგარიშო თვის საწყისი თარიღის მდგომარეობით გაცემული სესხ(ებ)ის ნაშთი;
• საანგარიშო თვის განმავლობაში გაცემული სესხ(ებ)ის ზრდა ნებისმიერი ფორმით;
• სესხის გადაფასების შესახებ არსებული ინფორმაცია სესხის ზრდის ნაწილში.
• საანგარიშო თვის განმავლობაში გაცემული სესხ(ებ)ის შემცირება ნებისმიერი ფორმით;
• სესხის გადაფასების შესახებ არსებული ინფორმაცია სესხის შემცირების ნაწილში.
• საანგარიშო თვის ბოლო თარიღის მდგომარეობით გაცემული სესხ(ებ)ის ნაშთი;

მიღებული სესხ(ებ)ის შემთხვევაში:(ლინკზე დაჭერით იხილეთ მაგალითი)

• საანგარიშო თვის საწყისი თარიღის მდგომარეობით მიღებული სესხ(ებ)ის ნაშთი;
• საანგარიშო თვის განმავლობაში მიღებული სესხ(ებ)ის ზრდა ნებისმიერი ფორმით;
• მიღებული სესხების ზრდის ის ნაწილი რომელიც წარმოიქმნა გადაფასებით;
• საანგარიშო თვის განმავლობაში მიღებული სესხ(ებ)ის შემცირება ნებისმიერი ფორმით;
• მიღებული სესხების შემცირების ის ნაწილი, რომელიც წარმოიქმნა გადაფასებით;
• საანგარიშო თვის ბოლო თარიღის მდგომარეობით მიღებული სესხ(ებ)ის ნაშთი;

გარდა ამისა როგორც ზემოთ ავღნიშნეთ იურიდიული პირები ვალდებულნი ხდებიან მოგების გადასახადის დეკლარაციაში წარადგინონ დამატებითი ინფორმაცია მათი და სხვა საწარმოს კაპიტალის მოძრაობის შესახებ:

საწარმოს კაპიტალის მოძრაობისას: (ლინკზე დაჭერით იხილეთ მაგალითი)

• საანგარიშო თვის საწყისი თარიღის მდგომარეობით საწარმოს კაპიტალის ოდენობა;
• საანგარიშო თვის განმავლობაში საწარმოს კაპიტალის ზრდა;
• საანგარიშო თვის განმავლობაში საწარმოს კაპიტალის შემცირება;
• საანგარიშო თვის ბოლო თარიღის მდგომარეობით საწარმოს კაპიტალის ოდენობა;

სხვა საწარმოს კაპიტალის მოძრაობისას: (ლინკზე დაჭერით იხილეთ მაგალითი)

• აისახება საანგარიშო თვის საწყისი თარიღის მდგომარეობით სხვა საწარმოში რიცხული კაპიტალის ოდენობა;
• აისახება საანგარიშო თვის განმავლობაში სხვა საწარმოში რიცხული კაპიტალის ზრდა;
• აისახება საანგარიშო თვის განმავლობაში სხვა საწარმოში რიცხული კაპიტალის შემცირება;
• აისახება საანგარიშო თვის ბოლო თარიღის მდგომარეობით სხვა საწარმოში რიცხული კაპიტალის ოდენობა.

ბრძანების შესახებ დეტალური ინსტრუქციის მისაღებად, ასევე ტექნიკური ხასიათის კითხვებთან დაკავშირებით თუ რა სად უნდა ჩაიწეროს, გთხოვთ იხილოთ ბრძანების ლინკი

მანუალი N 1518: საცხოვრებელი ბინის გაქირავების 5% -ით დაბეგვრა

აღნიშნული სახელმძღვანელო განმარტავს სსკ-ის 81-ე მუხლის მე-2 და მე-5 ნაწილზე შემოსავლების სამსახურის მიდგომას, რომლის მიხედვითაც თუ ფიზიკური პირი ფიზიკურ პირს მიაქირავებს საცხოვრებელ ბინას/სახლს, არაკომერციული მიზნებისთვის, ფიზიკურ პირს უფლება აქვს დაიბეგროს შემოსავლის 5% -ით თუ დარეგისტრირდება შესაბამის რეესტრში;

აღნიშნულმა მანუალმა თქვა, რომ რეესტრში რეგისტრაციის არქონის გამო ამ 5% დაბეგვრის უფლებას არ ჩამოვართმევთო, ამისთვის მხოლოდ 100 ლარით დავაჯარიმებთო.

მანუალი N 2328: შეეხება დეკლარაციის წარდგენის ხანდაზმულობის ვადებს

აღნიშნული სახელმძღვანელო განმარტავს კიდევ ერთხელ სსა მე-4 მუხლს, რომლის მიხედვით ხანდაზმულობის ვადა არის 3 წელი (მიმდინარე წელი არ ითვლება, — მომდევნო წელი არის პირველი წელი), მაგრამ თუ გადასახადის გადამხდელი წარმოადგენს იმ პერიოდის დაზუსტებულ დეკლარაციას, რომლის ხანდაზმულობის ვადა მიმდინარე წლის ბოლოს იწურება — ხანდაზმულობის ვადა გრძელდება კიდევ 1 წლით;

მანუალი N 2435: ფიზიკური პირის მიმართ საგადასახადო აგენტის ვალდებულების შეუსრულებლობა

სსკ-ის 81-ე მუხლის პირველი ნაწილის თანახმად დღგ-ს არგადამხდელ ფიზიკურ პირს საწარმო/ორგანიზაციამ უნდა დაუკავოს საშემოსავლო დეკლარაცია, მაგალთად მაშინ, როდესაც მისგან აქვს ნაქირავები კომერციული ფართი, თუმცა მენუალში აღწერილია შემთხვევა, რომ თითქოს მეიჯარემ ოქტომბერში აღმოაჩინა, რომ მარტიდან უნდა დამდგარიყო დღგ-ს გადამხდელად და შესაბამისად დარეგისტრირდაო. ამ შემთხვევაში ირკვევა, რომ საწარმოს მარტიდან არ უდა დაეკავებინა საშემოსავლო 20%, ვინაიდან მარტიდან დარეგისტრირდა დღგ-ს გადამხდელად, მიუხედავად აღნიშნული ფაქტისა, ვინაიდან საწარმომ/ორგანიზაციამ აღნიშნული აღმოაჩინა, მხოლოდ ახლა — ოქტომბერში, წინა თვეების (მარტიდან — ოქტომბრამდე) დეკლარაციების დაზუსტების ვალდებულება არ წარმოეშვება;