დღგ - Eaudit.Ge - ელიტ აუდიტი

დღგ-ის გადამხდელად რეგისტრაციის მიზნებისთვის დღგ-ით დასაბეგრი ოპერაციების ჯამური თანხის (100 000 ლარის) განსაზღვრისას გაითვალისწინება თუ არა დღგ-ისგან გათავისუფლებული დასაბეგრი ოპერაციები? ავანსი?

irakli — Tue, 11 Jul 2023 20:07:19 +0400

დღგ-ის გადამხდელად რეგისტრაციის მიზნებისთვის დასაბეგრი ოპერაციების ჯამური თანხის (100 000 ლარის) განსაზღვრისას არ გაითვალისწინება ავანსი, აგრეთვე საგადასახადო კოდექსის შესაბამისად დღგ-ისგან გათავისუფლებული დასაბეგრი ოპერაციები, გარდა:

• საქონლის ექსპორტის ოპერაციებისა;

• დღგ-ისგან გათავისუფლებული ფინანსურ ან უძრავ ნივთთან დაკავშირებული ოპერაციებისა, თუ მათი განხორციელება დასაბეგრი პირის ძირითადი საქმიანობაა;

• სსკ-ის 172-ე მუხლის პირველი და მე-2 ნაწილების შესაბამისად დღგ-ისგან გათავისუფლებული ოპერაციებისა.

დანართი N1

იბეგრება თუ არა დღგ-ით საქონლის/მომსახურების უსასყიდლოდ მიწოდება/გაწევა?

irakli — Tue, 11 Jul 2023 20:06:30 +0400

დღგ-ით დასაბეგრი ოპერაციას წარმოადგენს:

• დასაბეგრი პირის მიერ საქონლის უსასყიდლოდ მიწოდება (გარდა ნიმუშის ან მცირე ღირებულების საჩუქრისა), თუ მას ამ საქონელზე ან მასზე გაწეულ ხარჯზე დღგ სრულად ან ნაწილობრივ აქვს ჩათვლილი.

• დასაბეგრი პირის მიერ მომსახურების უსასყიდლოდ გაწევა მისი დაქირავებული პირის პირადი სარგებლობისთვის ან საკუთარი საქმიანობის მიზნისგან განსხვავებული მიზნით.

დანართი N8

იჯარის მომსახურების გაწევამდე წინასწარ მიღებული თანხა (ავანსი) ექვემდებარება თუ არა დღგ-ით დაბეგვრას?

irakli — Tue, 11 Jul 2023 20:05:32 +0400

2021 წლის პირველი იანვრიდან თუ თანხა სრულად ან ნაწილობრივ ანაზღაურებულია საქონლის მიწოდებამდე/მომსახურების გაწევამდე, ანაზღაურებული თანხის შესაბამისი დღგ-ის გადახდა ხორციელდება ანაზღაურების თანხის გადახდის საანგარიშო პერიოდის მიხედვით

ამასთან, თუ თანხა სრულად ან ნაწილობრივ ანაზღაურებულია მომსახურების გაწევამდე და ანაზღაურების მომენტში თანხის მიმღები პირი არ არის რეგისტრირებული დღგ-ის გადამხდელად, დღგ-ის გადამხდელად რეგისტრაციამდე მიღებულ ანაზღაურებასთან მიმართებაში, დღგ-ით დაბეგვრის დროს წარმოადგენს დღგ-ის გადამხდელად რეგისტრაციის შემდგომ მომსახურების გაწევის მომენტი.

რა შემთხვევაში ექვემდებარება დღგ-ით დაბეგვრას საკუთარი ძირითადი საშუალების (შენობის/ნაგებობის) რემონტი?

irakli — Tue, 11 Jul 2023 20:04:05 +0400

რა შემთხვევაში ექვემდებარება დღგ-ით დაბეგვრას საკუთარი ძირითადი საშუალების (შენობის/ნაგებობის) რემონტი?

2021 წლის 1 იანვრიდან დღგ-ით დაბეგვრას ექვემდებარება, დასაბეგრი პირის მიერ განხორციელებული საკუთარი ძირითადი საშუალების (შენობა/ნაგებობის) რემონტი მისი საქმიანობის მიზნისთვის, თუ:

• პირი, დღგ-ის ჩათვლას სრულად ვერ მიიღებდა, ამ მომსახურების სხვა პირისგან შეძენის შემთხვევაში;

• პირი, სარემონტო მომსახურების/სამუშაოებს იძენს იმ პირისგან, რომელიც არ არის რეგისტრირებული დღგ-ის გადამხდელად.

საქონლის იმპორტის განხორციელების შემთხვევაში, ექვემდებარება თუ არა დამატებული ღირებულების გადასახადით დაბეგვრას საქართველოს საბაჟო საზღვრამდე გაწეული აღნიშნული საქონლის სატრანსპორტო და მასთან უშუალოდ დაკავშირებული მომსახურების ხარჯები?

irakli — Tue, 11 Jul 2023 20:03:29 +0400

„გადასახდების ადმინისტრირების შესახებ“ ფინანასთა მინისტრის 2010 წლის 31 დეკემბრის ბრძანებით დამტკიცებული ინსტრუქციის 112-ე მუხლის 49-ე პუნქტის თანახმად, საქონლის იმპორტის განხორციელების შემთხვევაში, აღნიშნული საქონლის სატრანსპორტო და მასთან უშუალოდ დაკავშირებული მომსახურების ხარჯები, რომელიც შეიტანება საქონლის საბაჟო ღირებულებაში, განიხილება საქართველოს საგადასახადო კოდექსის 172-ე მუხლის მე-4 ნაწილის „ვ“ და „ზ“ ქვეპუნქტებით გათვალისწინებული ოპერაციების ნაწილად და ექვემდებარება დღგ-ისაგან ჩათვლის უფლებით გათავისუფლებას.

2021 წლის 1 იანვრიდან საჯარო სამართლის იურიდიული პირების (სსიპ) მიერ გაწეულ მომსახურება ექვემდებარება თუ არა დღგ-ით დაბეგვრას?

irakli — Tue, 11 Jul 2023 20:02:42 +0400

2021 წლის 1 იანვრიდან ეკონომიკურ საქმიანობად აღარ განიხილება სახელმწიფო ხელისუფლების/მუნიციპალიტეტის ორგანოს ან საჯარო სამართლის იურიდიული პირის საქმიანობა, თუ ის საქმიანობის განხორციელებისას მოქმედებს, როგორც სახელმწიფო ორგანო (ახორციელებს სახელმწიფოს მიერ მისთვის დელეგირებულ უფლებამოსილებას), იმ შემთხვევაშიც კი, როდესაც ამ საქმიანობისთვის დადგენილია საწევრო, მოსაკრებელი, საფასური ან სხვა გადასახდელი.

შესაბამისად, აღნიშნული მომსახურებები აღარ იბეგრება დღგ-ით.

აღნიშნული არ ეხება ისეთ მომსახურებებს როგორიცაა:

• ტელესაკომუნიკაციო მომსახურებისა;

• წყლის, გაზის, ელექტროენერგიის ან თბოენერგიის მიწოდებისა;

• საქონლის ტრანსპორტირებისა;

• პორტის ან აეროპორტის მომსახურებისა;

• მგზავრის ტრანსპორტირებისა;

• რეალიზაციის მიზნით წარმოებული საქონლის მიწოდებისა;

• საშუამავლო სააგენტოს მეშვეობით სასოფლო-სამეურნეო პროდუქციის მიწოდებისა და მომსახურების გაწევისა;

• გამოფენა-გაყიდვის ორგანიზებისა;

• დასაწყობებისა;

• სარეკლამო საქმიანობისა;

• ტურისტული აგენტის საქმიანობისა;

• საზოგადოებრივი კვებისა;

• რადიო- და ტელესამაუწყებლო საქმიანობისა.

საქონლის/მომსახურების გაცვლის (ბარტერული) ოპერაციის შემთხვევაში, როგორ განისაზღვრება დღგ-ით დასაბეგრი/ჩასათვლელი თანხა თითოეული მხარისთვის?

irakli — Tue, 11 Jul 2023 20:02:00 +0400

2021 წლის 1 იანვრიდან საქონლის/მომსახურების გაცვლის (ბარტერული) ოპერაციის შემთხვევაში დღგ-ით დასაბეგრი თანხა არის საქონლის მიწოდების/მომსახურების გაწევის სანაცვლოდ მიღებული/მისაღები ანაზღაურება დღგ-ის გარეშე, საქონლის/მომსახურების ფასთან პირდაპირ დაკავშირებული სუბსიდიის ჩათვლით.

ამასთან, თუ საქონლის მიწოდება/მომსახურების გაწევა განხორციელებულია 2021 წლის 1 იანვრამდე, ხოლო სანაცვლო საქონლის მიწოდება/მომსახურების გაწევა ხორციელდება 2021 წლის 1 იანვარს ან შემდგომ პერიოდებში

ამ ოპერაციის თითოეული მხარისათვის დღგ-ით დასაბეგრი ოპერაციის თანხა განისაზღვრება მიწოდებული საქონლის/გაწეული მომსახურების საბაზრო ფასით, დღგ-ის გარეშე, ხოლო დღგ-ით დაბეგვრის დროს წარმოადგენს საქონლის მიწოდების/მომსახურების გაწევის მომენტი.